oah

Office of Administrative Hearings
 

DC Agency Top Menu


The DC government will be closed Thursday, November 23 and Friday, November 24 in observance of Thanksgiving.

Thanksgiving Holiday Day 2017 - District Services

 

-A +A
Bookmark and Share

Amharic (አማርኛ)

የአስተዳደራዊ ጉዳይ ሰሚ ቢሮ (The Office of Administrative Hearings) ከአስተዳደሩ ጽ/ቤት ጋር ጉዳይ ላላቸው የህብረተሰቡ አባላት ነጻ የትርጉም አገልግሎት ይሰጣል። ይህ አይነቱ አገልግሎት ቢሮውን ለሚጎበኙ ሰዎች፣ በስልክ ለሚጠሩ፣ ወይም በክርክር ወይም በእርቅ ለሚሳተፉ ይሰጣል።  ለክርክር ወይም ለእርቅ አስተርጓሚ ከፈለጉ፣ በ202-442-9094 በመደወል ወይም በኢሜል አድራሻችን - [email protected] በመጠቀም በአስቸኳይ ይንገሩን። የአስተዳደራዊ ጉዳይ ሰሚ ቢሮ የሥራ ባልደረቦቻችን ከርስዎ ጋር ለመነጋገር የሚያስችላቸው የሥልክ ትርጉም አገልግሎት በአስተርጓሚ አመካይነት ይጠቀማል። ከአስተዳደር ጉዳይ ሰሚ ቢሮ በእንግሊዝኛ የተጻፉ ሰነዶች ከደረሱዎና እንዲተረጎሙልዎ ከፈለጉ፣ እባክዎ በስልክ ቁጥር 202-442-9094 ይደውሉልን ወይም ለበለጠ እርዳታ ከዚህ በታች በተጠቀሰው አድራሻ ቢሮውን ይጎብኙ።

አጠቃላይ መረጃ

የአስተዳደራዊ ጉዳይ ሰሚ ቢሮ በተለያዩ ድርጅቶች ወይም በዲስትሪክት ኮሎምቢያ መንግሥት ቦርዶች በሚወሰዱ ስፋት ያላቸው እርምጃዎች አመካይነት ክርክሮችን ያካሂዳል፣ እንዲሁም ለጉዳዮች መፍትሄ ይሰጣል።

  • የተወሰኑ ድርጅቶችን አስመልክቶ በአስተዳደራዊ ጉዳይ ሰሚ ቢሮ ክርክር መጀመር ከፈለጉ፣ ለክርክር ፋይል በመክፈት ሃሳብዎን ሊፈጽሙ ይችላሉ።  
  • የተወሰኑ የዲስትሪክት ኮሎምቢያ መንግሥት ድርጅቶች የህግ ጥሰት መጥሪያ ወይም የህግ መተላለፍ መጥሪያ ፋይል በአስተዳደር ጉዳይ ሰሚ ቢሮ በመክፈት ጉዳያቸውን ይጀምራሉ።  የህግ መጣስ ወይም የህግ መተላለፍ መጥሪያ  ከደረስዎ፣ ለጥሪው መልስ ለመስጠት በጥሪው ላይ ያለውን መመሪያ ይከተሉ።

አድራሻ

የአስተዳደራዊ ጉዳይ ሰሚ ቢሮ በ 441 Fourth Street, NW, Suite 450N,  ላይ የሚገኝ ሲሆን በሰሜን በኩል ባለው ማስተናገጃ ሊፍት ይደረሳል። ህንጻው ራሱ ከጁዲሸርይ ስኩዬር መቆሚያ በላይ (“ፍርድ ቤቶች” መውጫ) በሜትሮ ቀይ መመር ላይ ነው።  የዲ1 (D1)፣ ዲ3(D3) እና ዲ6(D6) ሜትሮ አውቶቡሶች መቆሚያ ከአራተኛውና ኢ(E) ሰሜን-ምዕራብ (NW) ጎዳናዎች መገናኛ ላይ ይገኛል። የሥራ ሰዓቶች ከሰኞ እስከ አርብ ከ9:00 ኤ.ኤም እስከ  5:00 ፒ.ኤም ናቸው።

ሰነዶችን ስለማስመዝገብ 

ሰነዶችን በአስተዳደራዊ ጉዳይ ሰሚ ጽ/ቤት ከሚከተሉት ብዙ መንገዶች በአንዱ ማስመዝገብ ይቻላል፡ 

  • ሰነዶቹን በ [email protected] ኢሜል ማድረግ ይቻላል
  • ሰነዶቹን በአስተዳደራዊ ጉዳይ ሰሚ ጽ/ቤት አድራሻ፣ 441 Fourth Street, NW, Suite 450N, Washington, DC 20001፣  በፖስታ ቤት መላክ ይቻላል
  • ሰነዶቹን ወደ 202-442-4789 ፋክስ ማድረግ ይቻላል
  • ወደ 441 Fourth Street, NW, Suite 450N  በአካል በመምጣት ማድረስ ይቻላል

ቅጣት ክፍያ

የቅጣት ክፍያዎች በፖስታ ቤት መልዕክት ወይም በአካል፣ በቸክ፣ ወይም መኒ ኦርደር ሊከፈሉ ይችላሉ። አስተዳደራዊ ጉዳይ ሰሚ ቢሮ ጥሬ ገንዘብ አይቀበልም።

ስለጉዳዮች መሰማትና እርቆች

ሁሉም የሚሰሙና የእርቅ ጉዳዮች በ 441 Fourth Street, NW, Suite 450N ይካሄዳሉ። ጉዳይ ለማሰማት ወይም ለእርቅ ቀጠሮ ካለዎ እባከዎ ከመጀመሪያው ሰዓት 15 ደቂቃዎች ቀደም ብለው ለመድረስ ያቅዱ።  

ነጻ የህግ እርዳታ

የኦ.ኤ.ኤች (OAH) እርዳታ ማዕከል፣ እንደዚሁ በ 441 Fourth Street, NW, Suite 450N የሚገኘው፣ ራስን በራስ መርጃ ማዕከል ሲሆን ከአስተዳደራዊ ጉዳይ ሰሚ ጽ/ቤት ጋር ጉዳይ ላላቸው ሰዎችና የንግድ ተቋሞች ልዩ ልዩ መጠቀሚያዎችን ይዟል። በመደበኛ የሥራ ሰዓቶች ክፍትና ሠራተኞች የሚገኙ ሲሆን እንደዚሁም ህጋዊ መረጃዎችን ለማቅረብና መጠነኛ እርዳታ ለመስጠት ፈቃደኞች ከሰኞ እስከ ረቡዕ፣ ከ 10:00 ኤ.ም. እስከ 1:00 ፒ.ኤ., እና አርብ ከ10:00 ኤ.ኤም. እስከ 3:00 ፒ.ኤም. ባለው ጊዜ ውስጥ ይገኛሉ።

በእንግሊዝኛና በስፓኒሽ የተዘጋጁ የተለያዩ በራሪዎችና ቅጾች አሉ። እንደዚሁም ነጻ የህግ እርድታ ስለሚሰጡ የተለያዩ ድርጅቶች መረጃዎች በመጠቀሚያ ማዕከሉ አሉ። የመጠቀሚያ ማዕከሉ ህጋዊ ምክር ወይም ውክልና አይሰጥም፤ ይሁን እንጅ ጥያቄ ከቀረበለት ባልደረባው ነጻ እርዳታ እንዲያገኙ ጉዳዮዎን ለውጭ ድርጅት ሊመራ ይችላል፡፡

 

Contact Email: 
Contact Phone: 
(202) 442-9094
Contact Fax: 
(202) 442-4789
Contact TTY: 
711 or (800) 643-3768
Contact Suite #: 
N450
Service Location: 

441 4th Street, NW

GIS Address: 
441 4th Street, NW
City: 
Washington
State: 
DC
Zip: 
20001